260                TESTAMENTS ENREGISTRÉS AU PARLEMENT DE PARIS             (500)
sentes quicte le dit maistre Jehan de Combes de toutes choses quel­conques dont elle lui pourroit faire demande, action ou poursuite de tout le temps passé jusques à aujourd'ui, et ratiffia et approuva le compte que le dit maistre Jehan de Combes avoit rendu de la somme de sept cens livres Tournois ou environ qu'il avoit receue pour icelle dame.
Pour toutes lesquelles choses, contenues et declairées en son dit testament et en cest present codicille, et chascune d'icelles faire, par­faire, entériner et acomplir de point en point, comme dit est, la dicte madame Alips de Cournon, des maintenant pour lors, se dessaisy et devesty es mains des diz notaires, comme en la nostre souveraine pour le roy nostre sire, de tous ses biens meubles, heritages et posses­sions quelxconques, voulant que, tantost elle alée de vie à trespasse-ment, le dit maistre Jehan de Combes et Andry Buisson, et chascun d'eulx, en feussent et soient vestus et saisis jusques à plain acomplisse-ment de son dit testament, et cestuisien present codicille, les circons­tances et deppendances d'iceulx, lesquelx biens des maintenant pour lors elle en charga, asservist et obliga. Et les diz testament et codicille, les circonstances et deppendances d'iceulx avecques la reddicion du compte, elle soubzmist à la court de Parlement, et les voult valoir par la meilleur fourme et maniere que valoir pourront.
En tesmoing de ce, nous, à la relacion des diz notaires jurez, avons misa ces lettres le seel de la prevosté de Paris, le jeudi trente jours de janvier, l'an de grace mil cccc et nuef.
Signé : Ja. de Mes et T. dd Han.
Item, in nomine Patris, et Filii et Spiritus sancti, amen. Gorani me, Herveo de Villa Nova, in sacra pagina professore, curatoque parro-chialis ecclesie Sancti Petri ad Boves in Ci vitale Parisiensi, et testibus intra scriptis ad hoc vocatis spécialité!* et rogatis, personaliter con-stituta nobilis mulier, domina Alips de Cournon, sana mente quan-quam infirma corpore, per modum codicilli adjunxit suo testamento alias per ipsam condito, ordinato, facto et disposito, legata sequencia :